Klubi anglez, Manchester Unitedi ka konfirmuar zyrtarisht ndarjen e rrugëve me yllin spanjoll, Juan Mata.

Pas Paul Pogbas dhe Jesse Lingard, tani i ka ardhur radha spanjollit Mata për t’u larguar nga Old Trafford.

Është vet klubi anglez që ka njoftuar me anë të faqeve zyrtare largimin e mesfushorit kreativ spanjoll.

“Manchester United mund të konfirmojë se Juan Mata do të largohet nga klubi kur kontrata e tij të përfundojë këtë verë”, thuhet në njoftimin e Unitedit.

Mesfushori 34-vjeçar iu bashkua Djajve të Kuq në janar të vitit 2014 dhe vazhdoi të luajë 285 ndeshje, duke shënuar 51 gola dhe duke fituar katër trofe.

Ai bëri paraqitjen e tij të fundit në ndeshjen e fundit të sezonit 2021/22 në udhëtim te Crystal Palace më 22 maj.

Mata kishte fituar tashmë Ligën e Kampionëve, FA Cup dhe Ligën e Evropës – të gjitha me Chelsean – kur Unitedi e nënshkroi atë më 26 janar 2014.

Përveç kësaj, mesfushori ishte pjesë e kombëtares së Spanjës, e cila fitoi Kupën e Botës në vitin 2010 përpara se të triumfonte në Kampionatin Evropian në 2012./arbresh.info/